Tag Archives: Moqdisho

MOQDISHO:-Tarsan oo la yaabay Isbaarooyinka Muqdisho la soo dhoobay!!

Posted on by Standard

25903287Tarsan ayaa ka naxay isbaarooyin cusub oo lasoo dhigay Xaafado kamid ah Magaalada Muqdisho kuwaa oo lacago baad ah looga qaado gaadiidka xili  amaankii Moqdisho la soo waayay,waxaana maalmahan raaf lagu hayay dadka  shacabka oo Moqdisho ku nool!.

Tarsan ayaana sheegay in Isbaarooyinkan cusub ee lasoo dhigtay xaafadaha gaar ay dhigteen ciidamo gaar ah aan cidno ka amar qaadan kana tirsaneen Ciidanka Dowlada , waxa uuna ku hanjabay in dhawaan tilaabooyin adag ka qaadi doonaan Raga hubeesan ee isbaarooyinka soo dhigtay Qeybo kamid ah Muqdisho!.

Hadalka Tarsan ayaa ku soo aadaya   ay soo badanayaan maleeshiyo Beeleedka dowlada oo boob iyo kufsi ku haya dadka shacabka oo Moqdisho.

Maleeshiyaadka Dowlada oo  Dumarka  iyo caruurta oo lagu kufsado magaalada Muqdisho.

25903414

“waddooyinka oo laxiro ammaan laguma ilaalin karo laakin waxaa loo baahanyahay in ciidan nabad sugid ah lahelo”ayuu hadalkiisa sii raaciyay.

Waddooyinka waaweyn ee magaalada Muqdisho qaarkood waxaa laga mamnuucay gaadiidka shacabka kaliya waxaa isticmaala gaadiidka AMISOM iyo kuwa DF-ka,wadada Makka Al Mukaramah ayaa isku bedeshay mid faaruq ah iyadoona isgoyska KM4 uu yahay mid dadku sit eel teel ah ku isticmaalayaan.

25739582

Halkan ka dhagayso Tarsan oo qiraya Isbaarooyinka daadsan Muqdisho MP3
somalimemo.net
somalimemo.net

Banaadir Post

WARBIXIN:-Muddo Laba Bil Gudahooda waxaa Dowladda ka goostay 210 Askari.

Posted on by Standard

25902368“Marka Tusbax Afka laga Furo waxay natiijadu noqonaysaa in tusbaxu uu kala firdhado sidaasi ayay noqdeen Maleeshiyo beeleedkii  ee u hiilinayay ciidamada  Xabashida ee ku sugan Bay iyo Bakool”Sidaa waxaa yiri Suxufi  ah oo la socday xaalada ay ku sugan yihiin Maleeshiyaadka Dowlada federaalka oo iska kala tagaya!.

Tan iyo Markii Dowladda Itoobiya ay ku dhawaaqday in Ciidamadeeda ay kala baxayso gudaha Soomaaliya waxaa shaqada Ciidan ka tagay in ka badan 200 oo Askari kuwaasi oo ay soo tababartay Dowladda Itoobiya.

Maleeshiyaadka goostay ayaa ka baxsaday Gobalada Gedo, Bay iyo Bakool oo ciidanka Itoobiya ay bilaabeen inay si tartiib ah kaga baxaan.

Sababaha Maleeshiyaadku  ay ubaxsanayaan ayaa lagu macneeyay rasaasta oo ku kululaatay iyo Ciidamada Xabashido  ay ka barbar dagaalamayeen oo ku wargaliyay inay is difaacaan maadaama ay ka baxayaan Bay iyo Bakool.

Ciidanka  Itoobiya markii ay ka tageen Xudur ayaa waxaa la sheegay wixii xiligaasi ka danbeeyay in ay  Shabaabku isku dhiibeen Maleeshiyo Beeleed  ka badan 60 Askari oo lasoo xariiray Eheladooda.

Shalay oo ugu danbeysay Lix askari oo kasoo goostay Dowladda ayaa lagu soo bandhigay iyagoo sheegay in Todobo Askari oo Asxaabtooda kamid ahaa ay usheegeen inay kasoo daba tagayaan.

Maalmo ka hor Diinsoor ayaa waxaa lagu soo bandhigay 10 Askari oo Qoryahooda wata kuwaasi oo kasoo goostay Dowladda Federaalka.

Isku celcelis ahaan xogta iyo macluumaadka la helayo  ayaa xaqiijinaya Maleeshiyaadka  Dowladda ka goosatay ee Bay iyo Bakool xiligaan gaarayaan 210 Askari kuwa kalana la sheegayo inay raadinayaan wadiiqadii ay ku baxsan lahaayeen.

25767155

Banaadir Post.

DHAGEYSO:-General Fartaag.”Xasan Sheekh wax haka qabto Madaafiicda ku Dhacaysa Madaxtooyada Yuusan usoo hanqal taagin Kismaayo”

Posted on by Standard

25902247Generaal Cabdulaahi Sheekh Ismaaciil Fartaag  oo  sheegtay inow yahay waxa loogu yeero  Madaxweyne ku xigeenka  u ah Garabka Jubba land ee madaxda u yahay Axmed Madoobe ayaa wareysi gaar ah siiyay Idaacadda Islaamiga Alfurqaan.

Fartaag ayaa sheegay in Ciidamii Kismaayo ku sugnaa la mideeyay oo haatan ay yihiin kuwa uxuub siibtay ciidanka dowladda Gobaleedka Jubbaland.

“Ciidamada marka hore waxay kala ahaayeen  laba guuto oo kala Raaskanbooni  iyo kuwa magaca dowladda wata,iyagiina waala mideeyay haatana markay Maqleen in Dowlad gobaleed ka dhalatay Kismaayo ayay dowladdu bilowday faragalin”ayuu yiri Fartaag.

Fartaag ku xigeenka dagaal Ooge Axmed Madoobe ayaa si kulul jawaab kaga bixiyay hadal ka soo yeeray madaxweyne Xasan Sheekh.

“Madaxweynaha iyo inaga dastuur ayaa noo dhaxeeya, markuu leeyahay wixii aan ka digayay waa ay dhaceen waa rabitaankiisa, Xamar ayuu joogaa waxa Kismaayo ka socda ma ogaan karo”ayuu yiri Fartaag.

“Madaafiic ayaa lagu weeraraa madaxtooyada uu ku noolyahay,qaraxyo ayaa dhaca markuu madaxtooyada ka soo baxa,wadooyinka way kala xeranyihiin Taasi ha soo saxo oo Xamar ha hagaajiyo maamul loo dhanyahay Muqdisho haka dhiso”ayuu raaciyay hadalkiisa.

Fartaag ayaa sidoo kale wax laga weydiiyay qaabka ay umaareyn doonaan dhaqaalaha kasoo baxa Dekada iyo Garoonka Muqdisho.

25739582

Generaal Cabdulaahi Sheekh Ismaaciil Fartaag Madaxweyne ku xigeenka Jubba land

XIGASHO RADIO ALFURQAAN.COM.

922860_380283792075529_1641200527_n

Banaadir post.

BAYDHABO:-Maleeshiyo Beeleedka Dowlada oo isku horfadhiya duleedka Baydhabo.

Posted on by Standard

25891380Markii ay ku fashilmeen Maleeshiyo  beeleedka  Dowlada Xamar degan  ee  la dagaalka  kula jirta  Shabaabka waxaa sii kordhay kala shigiga iyo is Aaminaad la’aanta dhexdooda ah!.

Dhanka bari ee magaalada Baydhabo waxaa lagu soo waramayaa inay isku horfadhiyaan Maleeshiyo Beeleedyo kawada tirsan DF-ka ee Soomaaliya kuwaa oo maalmihii danbe xiisada u dhaxeysay si aad ah looga dareemayay magaalada Baydhabo iyo Duleedka magaalada .

Mid ka mid ah maleeshiyaadka isku horfadhiya duleedka magaalada waxay ka amar qaataan dagaal ooge Xaabsade   oo Xamar jira, halka kuwa kale aan si dhab ah loo shaacin cida ay ka amar qaataan hase yeeshe sida wararka la helayo tilmaamayaan waa kuwo wata Magaca beesha Hariin ee ka mid ah beelaha dega gobolada Bay iyo Bakool.

Warar kala duwan ayaa laga helayaa waxyaabaha dhaliyay in maleeshiyaadka Ka tirsan Df-ka ee qaab beel ahaanta u Abaabulan ay isku horfadhiyaan duleedka magaalada Baydhabo wararka qaar ee sida hordhac ahaanta ah loo helayo ayaa ku Waramaya Inay jiraan dhul labada dhinac kala tabanayaan oo ay xiisadooda salka ku hayso.

Ugu danbeentiina maamulka Df-ka ugu magacaaban magaalada Baydhabo oo isku dayay inow  kala dhexgalo labada dhinac ayaa ku fashilmay inow xaliyo waxyaabaha ay kala tabanayaan.

Odayaal colooshood u shaqeytayaal ah oo tira ahaana gaarayay 14 oo maamulka Df-ka ee magaalada Baydhabo u xilsaaray  Inay xaliyaan colaada labbada maleeshiyo ayaa maalintii shalay ahayd xabsiga magaalada Baydhabo la dhigay kadib markii ay Ka dhego Adeegeen awaamiir maamulka Df-ka ee Baydhabo uu dul dhigay taas oo fareysay inay so qiimeeyaan dhulalka Labada dhinac ay isku hayaan.

By:-25766986Yuusuf Caato.

Banaadir Post.

KISMAAYO IYO KENYA:-Kenya oo dalbaneysa ciidamo dheeraad ah oo ka gacansiiya gumaysigeeda Soomaaliya.

Posted on by Standard

25889909

Dowladda Kenya ayaa wada ola ole ballaaran oo ku aadan sidii Soomaaliya loo keeni lahaa ciidamo shisheeye oo dheeraad ah kuwaasi oo Kenya ku gacansiiya gumaysiga ciidamadeedu ka wadaan  koonfurta fog ee Soomaaliya.

Ku xigeenka madaxweynaha wadanka Kenya ninka lagu magacaabo William Ruto ayaa socdaallo kala duwan ku kala bixinaya dhowr dal oo ku yaa qaaradda Afrika kuwaasi oo uu ka shaxaadayo islamarkaana ka dhaadhicinayo sidii Soomaaliya gaar ahaanJubbooyinka loo keeni lahaa ciidamo Afrikaan ah oo wata magaca Amisom.

Dalalka Nigeria iy Ghana ayuu William Ruto kala hadlay sidii ay ciidamo ugu soo diri lahaayeen Soomaaliya kuwaas oo qeyb ka noqon doona ciidanka shisheeye ee Amisom.

Sida ay sheegayaan warar hoose Kenya dan kama laha Muqdisho iyo masiirka ciidanka shisheeye guud ahaan laakiin waxaa la soo sheegayaa inay ciidanka ay dalbaneyso u rabto iay yimaadaan  Jubbooyinka oo ay Kenya aaminsantahay inay iska leedahay.

Waxaana wararku intaasi ku darayaan in Kenya ay isku dayayso sidii haddii ciidankaasi  helo ay iyadu u maamuli lahayd iyadoo iskala weyn inay hoos tagto Taliska Amisom ee Ugandeseku ay xilligan hor boodayaan.

Inkastoo ay si xoog ah kamaga mid noqotay Amisom, hadana Kenya way iskala hanweynatahy ciidanka Shisheeye waxaana ay si cad u sheegtay inay ka go`antahay inay sii heysato Jubbooyinka.

Waxaa meeshaas ka soo baxay wax badan oo ka digeen hogaanka Shabaabka,waxaana maanta xaalku marayaa in Somali qabiil ahaan ugu kala qabsanto iayada oo dhulkoodii gaalo kale loo doontay!.

25889968

Banaadir Post.

WARBIXIN:-“Mooshinka Joojiya, Marqaanku Waa Diyaare” Saacid Shirdoon.

Posted on by Standard

25885490Ra’iisulwasaaraha xukuumadda Federalka ah ayaa ku guuleystay qorshe siyaasadeed oo ay usoo bandhigeen la taliyaashiisa, kaasoo lagu baajinayo mooshinkii maalmahanba socda ee la doonayay in xilka looga qaado.

Ra’iisulwasaare Saacid ayaa lasoo baxay qorshe cusub oo la yiraahdo “Mooshinka Joojiya, Marqaanku Waa Diyaare”. Qorshahan oo xildhibaanada lagu siinayo xoogaa laaluush ah oo ay isbuucyo ku marqaamaan ama ku qayilaan ayaa si toos ah u bilowday maalintii shalay, waxaana ka faa’iideystay xildhibaano aad u badan oo ka tirsan baarlamaanka Federalka ah.

Taleefanada Ra’iisulwasaaraha ayaa mashuul ahaa xalay oo dhan, sidoo kale waxaa aad ula shaqeynayay rag kamid ah wasiiradiisa oo ukala dab qaadaya isaga iyo xildhibaanada.

Wararkii ugu dambeeyay ee nasoo gaaray ayaa sheegaya in uu Fashilmay mooshinkii ka dhanka ah ra’iisulwasaare Saacid, iyadoo haatana uu soconayo isku soo bax isna qarash badan lagu bixiyay oo lagu dhaleeceynayo xubnihii ka dambeeyay abaabulka mooshinka.

Qore Maslax Ilka Case.

Xigasho Harar24.com

25877192

Banaadir Post.

DHAGEYSO TARSAN OO KA NAXAY:-Dumar Shisheeye ah oo la Wareegay Shaqooyinka Hoose ee Madaxtooyada iyo Hoteelada Moqdisho!

Posted on by Standard

25883865Haweenkan oo da’doodu u dhaxayso 15-25 ayaa intooda badan dhalasho ahaan kasoo jeeda wadamada Uganda, Itoobiya, Kenya iyo Koofur afrika sida ay inoo xaqiijiyeen qaar kamid ah saraakiisha dowladda Federalka ah.

Hoteelada iyo xarumaha dowladda ayaa ah kuwa ugu badan oo ay ka shaqeeyaan dumarka ajaanibta ah, iyadoo midda ugu mushaarka yarna la siiyo lacag gaareysa 200 doolar bil kasta.

Haweeney qaawan oo madow ah ayaa raashinka ka qeybineysan shirkii u dambeeyay ee ay madaxtooyada ku qaateen wafdigii Igad iyo madaxda dowladda Federalka ah sida laga dheehanayay masawirada goobta laga soo qaaday oo illaa iyo hadda ku jira Internetka.

25883904

Gudoomiyaha gobolka Banaadir ee dowladda Federalka ah ayaa ka carooday dowrka ay cayaarayaan dumarka gaalada ah, isagoona damiir xumo ku tilmaamay in duamr noocaas ah ay raashin ka qeybiyaan shirarka dowladda.

Haweenka gaalada ah ee ka shaqeeya hoteelada iyo xarumada dowladda ayaa sharci darro ku jooga wadanka iyadoo mid walbaahi ay ku doodeyso “waxaa ikeenay oo iga wakiil ah ciidamada Amisom”.

 

25739582 HALKAN KA DHAGEYSO WARBIXIN KU SAABSAN DUMARKA AJAANIIBTA AH EE MUQDISHO.

Todobaad ka hor ayey ahayd markii golaha wasiiradu ka hadleen arintan islamarkaana ciidamada shisheeye ugu baaqeen iney ka jawaabaan dadka ajaanibta ah ee ay wadanka kusoo qubayaan.

Ciidamada shisheeye ayaa quursaday hadalka golaha wasiirada mana jirto wax jawaab ah oo ay illaa iyo hadda ka siiyeen arimahan.

Shaqada dumarka gaalada ah kuma eka oo kaliya adeegto ama in ay ka shaqeeyaan xafiisyada iyo hoteelada, hase ahaatee waxaa kaloo ay ka ganacsadaan jirkooda.

Ciidamo aad u badan oo ka tirsan kuwa dowladda Federalka ah ayaa waardiyeeya hoteelada noocaas ah ee ay Zinadu la dagtay kuwaasoo mushaar lagu siiyo.

Sidoo kale dowladda Federalka ah ayaa canshuur ku leh lacagaha Zinada kasoo gala dumarkaasi gaalada ah iyo hoteelada ay ka shaqeeyaan.

Magaalada Hargeysa waa sidan oo kale, iyadoona hoteelada iyo guryahaba ay ka shaqeynayaan dumar nasaaro ah oo u dhashay dalka Itoobiya.

Sidoo kale magaalooyinka Boosaaso iyo Garowe ayaa iyaguna lamid ah Hargeysa, waxaana aad ugu badan dumarka xabashida Itoobiya.

Caruur aabe la’aan ah ayey dhalayaan haweenkan, dastuurka dowladda Federalka ahna waxaa ku qoran in uu Soomaali yahay qof kasta oo ku dhasha wadanka, xitaa Yahuud ha ahaado.

Sidaa darteed waxaa muuqanaya in wadanka loo qabsanayo si aan toos ahayn, kadib markii gaaladu ku daashay in ay ku qabsato awood milatari, waxaana taa mahadeeda Allaah kadib iskaleh mujaahidiinta oo u dhabar adeegay duulaanka gaalada.

Si kastaba ha ahaate’e waxaa kaloo iyana muhiimadeeda leh in ummadu ku baraarugto khatarta cudurka Aidiska ee kasoo foolka leh dumarka gaalada ee ka shaqeeya xarumaha dowladda iyo hoteelada Muqdisho.

XIGASHO  RADIOALFURQAAN.COM

http://radioalfurqaan.com/?p=2259

25883900

Banaadir Post.

MOQDISHO:-Booliiska Amisom oo oday dhagool ah ku dilay Muqdisho.

Posted on by Standard

25877192Qofka waayeelka ah oo ay dileen Ciidamada Shisheeye ayaa marayay meel udhaw Xarunta danbi baarista oo u dhaw Hoteel Saxafi ee Magaalada Muqdisho.

Askarta shisheeye ayaa isku dayay inay istaajiyeen waayeelka laakin ma uusan maqli karin iyagoo ugu danbeyntii ka toogtay qaarka hore jirka gaar ahaan wadnaha durbana goobta ayuu ku naf baxay..

“Wuxuu ahaa oday dhagool ah oo aan waxba maqal,wuxuu ahaa nin ay la hadleen Askarta Booliiska Amisom laakin uma uusan jawaabi karin taa oo keentay in gacantooda uu ku baxo” sidaasi waxaa sheegay Axmed Muuse oo Awooogiis ay si bareer ah u dileen Ciidamada Shisheeye ee ku soo duulay dalka Soomaaliya.

25876565

Ciidamo Booliis ah oo ka tirsan shisheeyaha Amisom ayaa maanta boqolaal dhalinyaro ah ka raafay Muqdisho iyagoo la isagu geeyay xarunta danbi baarista C,I,D ee Muqdisho.

Dadka la qabtay ayaa waxaa ku jira dhalinyaro wax ka barta jaamacadaha iyo iskuulada Muqdisho.

Howlgalka ayaa ahaa Mid kadis ah iyadoo dadka la raafay guryaha,wadooyinka iyo masaajida ku yaala degmada Wardhiiglay oo howlgalka xoogiisa uu ka dhacay.

howlgalka maanta ayaa daba socday weerar madaafiic ah oo habeen hore lagu qaaday madaxtooyada halkaasi oo ay ku dhinteen shan Askari oo ka tirsan ciidamada shisheeye ee Amisom.

25877016

Banaadir Post.

DHAGEYSO-DAL IIB AH:-Aqoonyahan sharaxaad ka bixiyay Shirkad Ajnabi ah oo Xasan Gurguurte Qandaraas ku siiyay Raashinka Quutul Daruuriga ah iyo dhul beereed loo saxiixay!

Posted on by Standard

25876362Wargayska Financial Times ayaa qoray Shirkad La yiraahdo DVK oo xarunteedu tahay Wadanka Britain inay heshiis maalgashi ah la gaartay Dowladda Federaalka ee madaxda u yahay Xasan Sheekh.

Qandaraaska Shirkada Heshay ayaa dhigaya in raashin qutul daruuri ah soo galiso Dalka iyadoo lagu wareejinayo dhul beereed baaxad leh si ay ugu abuurto dalag kala duwan.

Qandaraaska Shirkadu gashay ayaa lagu maalgalinayaa Aduun Lacageed oo gaaray Hal Bilyan Doolarka Maraykankja.

Qandaraaska ayaa Xasan iyo shirkadu waxay ku kala saxiixdeen Magaalada London oo uu ka socday shir ay soo agaasintay Dowladda Ingariiska.

Waxay ka ganacsan doontaa Dhismaha Buundooyinka,Iskuullo iyo Xamuulka Hawada oo aan si buuxda loo qeexin.

Aqooyahan Cabdullaahi Cali Yirid oo ku sugan Dalka Ingariiska Aqristayna Taariikhda Shirkada ayaanu kala sheekaysanay waxa lagu garanayo shirka iyo Heshiiskaan waxa uu ka dhiganyahay.

25739582

Dhageyso Aqoonyahan Cabdullaahi Yirid oo sharaxay Qandaraaska Shirkadda DVK

XIGASHO RADIO ALFURQAAN.COM

25681555

Banaadir Post.

DHAGEYSO:- Abuu Muscab “shan kufaarta Afrikaanta ah ayaan ku dilnay Madaafiic aan Madaxtooyada ku garaacnay”

Posted on by Standard

25876181Xarakada Shabaabul Mujaahidiin ayaa sheegtay in ay toban gantaal ku dhufatay aqalka Madaxtooyada ee Magaalada Muqdisho Villa Somalia.

Wuxuu intaas ku daray in ay qaar kale oo shisheeyaha ka mid ah  halkaas ku dhaawaceen.

Duqeynta Madaxtooyada ayaa saameyn ku yeelatay Madaxda Dowladda federaalka ah oo qaarkood  sariiraha ka carareen.

Waxay tani muujineysaa in Shabaabku Caasimadda ku xoogan yihiin taasoo dhabar jab ku ah warkii shisheeyaha iyo Dowladda federaalka ah ee ahaa in ay Caasimadda keligood Maamulaan.

Abuu Muscab wuxuu sidoo kale ka hadlay dagaalo ka dhacay gobalada Shabeelaha hoose iyo Gedo.

Wuxuu hoosta ka xariiqay in ay xalay weerareen Ciidamada Shisheeye ee jooga Deegaanka Jannaale ee Gobalka Shabeelaha hoose.

25739582


Halkan Ka dhagayso Shirka Jaraa’id ee Abuu Muscab MP3

25864473

Banaadir Post.