Nimco waa Soomaali kuna nool dalka Netherland ama Holand ayaa noqotay mid ku Tumatay dhaqanka iyo diinta ummada Soomaaliyeed, kadib markii ay barnaamij caan ah oo ka baxa Telefishin caalami ah oo laga leeyahay dalka Netherlands ay la baxday nin cadaan ah oo Tv-gu keeneen barnaamijka la yiraahdo TAKE ME OUT!.
Inta hartay Somali ayaa u daayay iyo Video-ga iga yaabshay!!
“Dulli kama Baxaysaan hadii DIINTA lagu laaban”
Banaadir Post.
Waxaa Suuqa bakaaraha isku haysta Maleeshiyo Beeledka dowlada kuwaas oo ka kala mar qaata ninka gudoomiyaha ka ah Degmada Hodan Jacfar “Ex Mooryaantii Qanyare” iyo maleeshiyo beeleed kale oo ka amar qaata nin kale oo Kaabo Mooryaan ah,waxaana la isku haysta gacan ku haynta Xawaalada Dahabshiil ee Suuqa Bakaaraha oo laga qaato dhaqaalo wanaagsan.
Ma ahan wax cusub in arinakan oo kale oo ka dhaco meelaha ay joogaan Maleeshiyo Beeleedka loogu yeero ciidanka Dowlada,kuwaas oo hada meel walba soo dhigtay jidgooyo”ISBAARO” lala yaabay!!.
Banaadir Post.
Cali Xaashi Axmad Ugaas oo kamid ah wax garadka magaalada Muqdisho ayaa indhihiisa ku arkay hawlo burburin ah oo ka socda kawaanka, isagoona sheegay in barxaddii kawaanka laga dhisayo goob lagu caweeyo oo fisqiga lagu sameeyo.
Halkan Ka Dhageyso Hadalka Cali Xaashi
Nabadoonka ayaa sheegay in ahwshan ay wataan qolyo gaalo ah, laakin mashruuca burburinta iyo dhismaha ay qandaraas kusoo qaateen Turkiya.
ISHA WARKA RADIO ALFURQAAN.
Banaadir Post.
Howlgaladii mugdiga badan ku jiray oo ay hay’adaha Turkiga ka wadeen magaalada Muqdisho ayaa hakad galay wixii ka dambeeyay markii ay dhaceen howlgaladii lagu qaaday xarunta Maxkamadda Banaadir.
Qarax agagaarka Garoonka diyuuradaha Muqdisho lagula eegtay hay’ad Turkish ah 13-April,2013 waxaa ku dhintay 2 sarkaal oo muhiim u ahaa Turkiga 3 kalane dhaawac ayaa soo gaaray.
Ilo wareedyo ayaa sheegaya in madaxii mashaariicda Turkiga ee Muqdisho uu xaalad kooma ah kujira taasi oo keentay in caqabad baahsan soo wajahdo howlihii gumeysi oo ay caasimada ka wadeen.
Waxaa kale oo qaraxyadii maanta ku waayeen dhowr sargaal oo howlo aan aqoon oo kala duwan Moqdisho u yimid.
Dadka Moqdisho ayaa maalmahan danbe iska dhex arkay Turkida, maxaa yeelay waxaalagu arkay “Qowda Maqashii waxna how qaban” oo shuqul xumo lagu yaqaan caana ku yahay.
Turkida ayaa mudooyinka danbe u muuqday kuwa sii socday,waxaan hada siyaado ku ah amniga Moqdisho oo la soo waayay.waxaa kale oo ay ogadeen inaan laga jeclayn Moqdisho,kuwaas oo horey looga soo diiday Boosaaso iyo Hargaysa.
Maamulka gobolka Banaadir ee DF-ka ayaa ku dhawaaqay in hakad lageliyay mashaariicdii Turkigu ka waday Muqdisho sida dhismaha iyo waxa loogu yeero taageeridda Hay’adda Federaalka!!.
Arnoud van Doorn oo ah xubin ka tirsan Xizbiga Midig ee Xoriyadda oo Holand ka dhisan ayaa shaaciyay inuu qaatay Diinta Islaaamka, ka dib markii uu booqday Xarameynka Sharafta leh ee Dalka Sucuudiga.
Ninkan ayaa Muslim noqday ka gadaal markii uu Kaalin wayn ka qaatay soo saarista Filim Nabiga lagu xumeeyay oo horay loo dhigay, sidaasina waxaa shaacisay Jariidadda Cukaad Online ee Sucuudiga kasoo baxda.
Wargeyska oo Fandor ayaa sheegay inow ku dul ooyay Qabriga Nabiga (NNKH).
Fandor ayaa lagasoo xigtay isagoo dhahaya “ Waxaan ka tirsanaan jiray Xizbiga ugu Mayalka adag dhanka Neceybka Islaamka”. Wuxuuse cadeeyay inuu arkay Jawaabihii ka dhanka ahaa Filimkii Nabiga lagu xumeeyay, dabadeedna uu isagu go’aansaday inuu wax badan ka baaro Islaamka iyo sirta ku qarsoon Jeceylka ay Muslimiintu u qabaan Nabigooda (NNKH).
Intii uu baarista ku jiray ayuu sheegay inuu ogaaday sida uu u waynyahay Dambiga uu Xizbigiisii hore galay, dabadeedna wuxuu bilaabay inuu usii dhawaado Diinta Islaamka, isagoo xiriir dhaw lasii yeeshay Muslimiinta Holand, illlaa markii dambe uu Diinta ka qaatay.
Fandor wuxuu kaluu booqday Buurta Uxud, wuxuuna yidhi “ In badan ayaan aqriyay Sheekooyinka Goobtan quseeya iyo Dagaalkii ka dhacay. Waxaan jeclaay inaan halkan Maalin un soo istaago. Waa dareen aad uga qurux badan marka wax laga aqrinayo”.
Ninkan ayaa lagu wadaa inuu la kulmo Imaamyada Masjidka Nabiga iyo Masjidka Qubaa, dabadeedna wuxuu u gudbayaa Magaalada Maka Almukarama, si uu halkaas ugusoo Cumreeysto, aka hor inta uusan usoo kicin Riyaadh oo uu kula kulmayo Mas’uuliyiin dhowr ah, halkaasna uu ugaga dhoofi doono Holand.
Wuxuu yidhi isagoo mar kale hadlaya “ In la sagootiyo Madina Almunawara waa arrin murug leh. Laakin waxaan ku faraxsanahay inaan usii gudbayo Maka Almukarama si aan usoo Cumreysto. Dib ayaan ugusoo laaban doonaa Goobahan Barakeysan goor dhaw”.
Dunida Islaamka ayaa si wayn uga carootay Filimkii Nabiga lagu xumeeyay ee Mareykanka lagasoo saaray. Waxaana Caalamkoo dhan gilgilay cabasho iyo cambareeyn ka dhan ah USA.
Dibad baxyo ballaaran ayaa ku fiday Dalal ay Australia ka mid tahay, iyadoo Dibad baxayaal illaa 7 gaarayana lagu dilay Dhowr Qof.
Banaanbaxyadu waxay kaloo gaareen in badan oo Dowladaha Carabta iyo Islaamka ka mid ah iyadoo laga cabanayay Filimka, waxaana dhacay Gacan ka hadalo hubaysan oo Ciidamada amniga iyo Dadka cabanayay u dhexeeyay, ka gadaal markii Dadkaas ay isku dayeen inay xoog ku galaan Safaarado iyo Goobo kale oo lagu hayay Dano Mareykanka iyo Reer Galbeedku ay leeyihiin.
Doorn was among the Freedom Party leaders who produced the blasphemous film, Fitna. Last month he reverted to Islam after an extensive study about the religion and the Prophet (peace be upon him).
http://saudigazette.com.sa/index.cfm?method=home.regcon&contentid=20130422162428
Banaadir Post.
Ceeydiid Cabdullaahi Ilkaxanaf, Gudoomiyaha Maxkamadda Sare ayaa shaaciyay in weerarkii shalay ku qaadeen xarunta Maxkamadaha ay sabab u aheyd madaxtooyada “villa Somalia” iyo dhamaan kooxda dalka u qaabishan nabada oo dayacay!
“AMISOM waxa ay ilaalisaa Madaxtooyada. Waxa ayna iska indha tirtay xarumaha garsoorka in ay ilaaliso. Qorsha AMISOM ee dalkana waxa kamid ah in hey’adaha dowlada dhan oo ay ilaaliso garsoorkuna waa halkii ugu muhiimsanaa”.
“Amaanka Maxkamada waxaa dayacay dowlada Soomaaliya iyo AMISOM” Ceydiid Ilkaxanaf ayaa sheegay!
Ilka Xanaf ayaa mar uu ka hadlayay dhacdadii shalay ayaa waxa uu sheegay in daqiiqado ka hor intii qalalaasaha dhicin uu dalbaday ciidamo dheeraad ah hasa yeeshee ciidankii ay soo gaareen goobta xilli dagaal uu socday, inkasta oo ay qeyb ka qaten bad-badintiisa.
Agaasimihii Hore ee Hay’adda Nabad Sugida Axmed Macallin Fiqi ayaa sheegay in ay Jiraan dal daloolyo dhinaca Ammaanka ah isagoo dhinaca kalana Ku baaqay in aan la dheyilsan Digniinaha ka imaanayo dalalka Caalamka ee ku aadan in ay jiri karaan weeraro ka dhaca Magaalada Muqdisho.
“Waa ogyihiin wax walba oo ka socda meel walba oo aan ka howlgalno” ayuu yiri ninkii ka cararay kursigii oo ku fadhiyay ka dib markii maalin cad la weeray Khaliif Ereg oo ahaa madaxii sirdoonka Moqdisho,hadana daaweyn u jira magaalada Nayroobi ka dib markii isku dhex yaacay k qaraxaasna ku dhinteen inta Stafkiisa.
Axmed Macallin Fiqi ayaa sidoo kale waxa uu sheegay in arrintaani ay dhiira gelineyso Ururka Al Shabaab islamarkaana ay ku kici karaan falal ceynkaan oo kala ah sidaa daraadeed loo baahanyahay feejignaan dheeri ah.
Weeraradii shalay ayaa ku soo beegmay xilli Masuuliyiin badan oo Hey’adaha dowladda ka tirsan ay sheegeen in Ammaanka Magaalada Muqdisho uu yahay mid gebi ahaan la isku halleyn karo,taas oo la yiri waa been!!
Banaadir Post
Magaalada Muqdisho ayaa gashay marxalad ka duwan tii ay ku jirtay xiligii gacanta ku haysay xarakada Mujaahidiinta Alshabaab.
Magaalada Muqdisho oo ah Caasimada Soomaaliya waxay la ciirciireysaa qurba joog isaga timid Dunida dacaladeed.
Dadka qurbaha ka yimid kuwa xun iyo kuwa wanaagsan wey leeyihiin.
Shabaabkii waa laga xureeyay Muqdisho waxa ay dhashay in Magaalada lagu dhex arko Haween Gawaari raaxo iyo kuwa BL- ku dhex kaxeeynaya(Subxaanallaah)
Baarlaman la yiri boqolkiiba sodan waa Haween,xukuumad la yiri waxaa wasiirka arimaha dibada u ah Haweenay dhex fadhiisanaya shirarka caalamka ma ahayn wax wanaag laga fili karayay.
Sumcad xumida Soomaalida ku dul habsatay ayaa si weyn caalamka looga dareemay.
Layaab iyo hadal heyn qof aysan ila wadaagin ayay ii ahayd markii aan maqlay wasiirada arimaha dibada Soomaaliya waxay ka qeybgashay shirka wasiirada Dalalka carabta oo idilkood rag ahaa.
Haweenayda Wasiirka Arimaha dibada Soomaaliya ayaa xili saq dhexe la kulmaysa Wasiirka Arimaha Dibada Kenya qarac kale ayay ii ahayd.
Beesha Caalamka xiligii ay dhidibada utaagayeen Dowladda Federaalka waxa ay damacsanaayeen in Wasiirka Koowaad Xukuumada laga dhigo Haweenay laakin Dalal badan ayaa soo jeediyay in marka hore Soomaalida lagu tijaabiyo Ficilka ay ka bixin karaan in Wasiirka Arimaha Dibada laga dhigo Haweenay.
Waan Aqbalnay in Wasiir arime dibadeed laga dhigo haweenay ,waxa harsan waxa weeye in lasoo magacaabo qof haweenay ah oo raisulwasaare ka ah Dalka Soomaaliya.
Idaacadd loogu magac daray Aman radio ayaa dhawaan laga furi doonaa Magaalada Muqdisho gaar ahaan Degmada Howlwadaag,waxaana ka shaqeyn doona gebi ahaanba haween Soomaaliyeed.
Farxiya Faarax Rooble oo ah Agaasime ku xigeenka Idaacaddaan ayaa usheegtay Mareegta ku hadasha Afka Taliska Mareykanka Qaarada Afrika ee Sabahi in arinkaan ay ugu dan leeyihiin in lagu xoojiyo haweenka gaar ahaan dhanka warbaahinta.
bal aynu aragno sida ay ushaqeeyaan
W/Q Injineer Axmed Cali Suuxaaye.
Banaadir Post.
Somaliya iyo sida loo rabo,ogow ama ha ogaan!!
1-Jubadahoose+Jubada dhexe+Gedo
2-Shabeelada hoose+Bay +Bakool.
3-Galgaduud+Hiiraan+Shabeelada dhexe.
Waxaa soo dhamaaday ama hada loo fadhiya maamulka loogu magac daray Jubaland oo calan loo sameeyay,waxaana ku dhan sida la shegayo Kenya iyo Itoobiya,waxaana horboodaya dad ku dhashay dhulka ay hore u haysteen.,kuwaas oo hab qabiil loo keenay Kismaayo,waxaana Kismaayo maalin cad laga soo cayreshay dowladii la sheegay in beesha caaalamku aqoonsatay oo Maraykanka la geeyay Maadaxweynaheeeda!
Waxaan dhawaan maamul loo samayn doona Bardheere ilaa Afgooye oo u muuqda magaalada Moqdisho,waana howl ay wadaan kuwa hada shiraya.
Waxaa kale oo maamul kale loo samayn doonaa Gaalkacyo ilaa Balcad oo banaanka Xamar ah.waana howl faraha lagu hayo,sida ay sheegayaan dadka ku lug leh.
Maxaa u haray Xasan Gurguurte iyo maamul beeleedkiisa Banaadir oo fadhigiiso yahay Villa Somalia.
Banaadir Post.
Waxaa Shir Jaraa’id Magaalada Muqdisho ku qabtay Agaasimaha Waaxda Nabad Sugidda X Axmed Macalin Fiqi, Xassan Gurguute ayaa Ceeb iyo Fadeexad kadib wuxuu Golihiisa Wasiirada uu u magacaabay Guddi in ay soo baaraan Xasuuqii Dhalinyarada Xabsiga Dhexe ee Magaalada Muqdisho lagala baxay, Golaha Wasiirada ayaa Xassan Gurguurte ku yiri“Axmed Macalin Fiqi Xabsiga ladhigi maayo laakiin xilka ayuu wareejinayaa, wuxuu yiri Khaliif Axmed Erag Nairobi halaga soo qabto haddii Axmed Macalin Fiqi Xabsiga la dhigayo”.
Axmed Macalin Fiqi iyo Khaliif Axmed Erag waa dambiilayaal loo haysto dhiigga Wiilashiii ay Gacmaha iyo Lugaha intay ka xireen sida bahdilka ah ay u soo dhigeen Maydadkooda Guryihii Waaridiintooda ay daganaayeen ayada oo eeyaha Muqdisho Maydka Wiilasha Quraac uga dhigay!, Xassan Gurguurte iyo Golihiisa Wasiirada ma waayeen waxay ku qanciyaan Waalidiinta Soomaaliyeed ee Wiilashooda Xabsiyada lagala baxay?, Maxaa Khaliif Axmed Erag looga soo qaban waayey Magaalada Nairobi?, Maxaa Xabsiga loo dhigi waayey Saraakiishii Xabsiga dhexe horjoogayaasha ka ahaa?.
Dambiga Nimankaas lagu haysto soo ma’ahan wax cad iyo in ay Dhalinyaro xasuuqeen?, soo ma ahayn in Xabsiga ladhigo ugu yaraan?, maxay tahay xilka hawareejiyo hana baxsado?, Warar ayaa sheegaya in Xassan Gurguurte Maalinta Beri ah oo Talaado ah in uu Diyaarad u saarayo Axmed Macalin Fiqi Magaalada Nairobi. Xassan Gurguurte dab ayuu sii huriyey waxaa hadda kacsan Qabiiladii Wiilashu ka dhasheen oo Golaha Wasiirada Rag ku jira ay sheegeen in ay caddaaladda hor keenayaa Wiilasha Saraakiishii xasuuqday iyo Dadkii qaabilsanaa Xabsiga dhexe iyo Nabad Sugidda.
Wixii caddaalad xumaa iyo dagaal sokeeyaa waxaa qaadayaa Xassan Gurguurte oo Ilma Adeertiis Diyaaradaha saaraya intay Dad Wiilashooda xasuuqeen iyo Saacid Shirdoon, Sharif Sheekh Axmed ayaa ka Caqli badan Xassan Gurguurte, Maxamed Dheere markii uu Shacabka Muqdisho xasuuqay, xilkiina waa laga qaaday Xabsigana waa ladhigay, soo tii Maxamed Dheere oo Labada Gacmood ka xiran iyo Saraakiil kale Saxaafadda loo soo bandhigay, maxaa Axmed Macalin Fiqi iyo Khaliif Axmed Erag looga baqayaa?, Ma Sirdoonka Reer Galbeed iyo Amisom ayaa laga cabsanayaa oo laga baqi maayo miyaa Qabiilada Wiilashooda la xasuuqay?.
Xaggee lagu arkay nin madax weyne sheeganaya oo Ilma adeertiis markii ay Shacabka Soomaaliyeed intay Xabsiyada kala baxaan Xasuuqayaan hadda intuu Lacag jeebabka ugu guro uu diyaaradaha u saarayaa?, waxaan maqli jirnay Puntland iyo Somaliland ayaa Xabsiyada Qabiiladu kala baxaan Dadka hadda waxaa Muqdisho ka socda Nin Madaxweyne sheeganaya in uu Ilma Adeertiis uu diyaarad saaro oo yiraahdo baxsada, yaa lagu qancinayaa oo doonaya Jagada Axmed Macalin Fiqi?.
Akhri Xasuuqii Foosha Xumaa ee Khaliif Axmed Erag English Riix Halkaan
Xuseen Caraale Cadaan oo horey Xildhibaan u ahaa kana Mid ah Xubno dhawaan u dhawaaqay Urur ay mideysan yihiin dad dhamaantood Xildhibaano ahaan jiray ayaa Wareysi ay la yeelatay Idaacadda Islaamiga ah ee Alfurqaan ku sheegay in ay u baahan yihiin in Shacabka Soomaalidu Abaal Marin siiyaan Maadaaba la gaaray buu yiri sida uu hadalka u dhigay Guul iyo Barwaaqo ay iyagu horseed u ahayeen.
Xuseen oo aanu weydiinay sida ay isu qabanayaan Xasuuqa dhalinyarada Muslimiinta ka dhanka ah, Xariga, Cabsi gelinta, Handadaada iyo dhibaatooyinka kale ee ay Geysanayaan Ciidamada Dowladda Federaalka ah kana jira muqdisho iyo warkiisa ah in Guul lagu tilaabsaday ayaa ka meermeeray in uu Su’aashaas si rasmi ah uga jawaabo.
Waxa uu iska indha tiray dhiigga qubanaya ee Dowladda Xasan Sheekh Maxamuud Madaxweynaha ka yahay ka bixineyso dadka Muqdisho iyo hooyooyinka oohinta iyo Murugada Martida u noqday ee Wiilashoodii askarta Dowladda Federaalkaa ahi Xasuuqday.
Xuseen Caraale Cadaan iyo kooxda kale ee ay isku ururka yihiin ee dhamaantood dalbanaya in Garab iyo Gacan la siiyo dadka Soomaalida ahina in ay wanaag u qiraan doonaya waxa ay ahaayeen Xubnihii ansixiyay in Dalka Soomaaliya ay yimaadaan Ciidamada Itoobiya oo 2006-di Duulaan ku soo galay iyo Ciidamada Uganda iyo Burundi oo 2007-di soo galay.
Dhamaan Ciidamadaasi waxa ay Xasuuq u geysteen kumanaan ka mid ahaa dad Muslimiinta Soomaalida ah waxaanay Gumeystaan Soomaalida intii Markii hore Xoriyadda haystay qaarkood.
Halkan ka dhagayso Xildhibaan Xuseen Caraale.
Waxa ay Mushaar ka qaadan jireen Xildhibaanadu waxa loogu yeero Qaramadda Midoobay iyo Hay’ado iyo Dowlado kale oo Shisheeye bedelka Lacagtaasna waxa ay ansixi jireen wixii Cadawga Umadda Muslimiinta ah ee Soomaaliyeed doonayo sida askarta Gumeystayaasha ah ee iminkaba jooga wadankeena wadana Dilka, dhaca Kufsiga, Boobka Hantida, Dhaqan rogga, faafinta Kirishtaanimada iyo wax yaabo intaas ka badan oo hagardaamo iyo Diin la dirir isugu jira.
Xuseen Caraale Cadaan waxa uu ka mid ahaa 2008 Markii Ciimada Itoobiya Xasuuqa daran ka geysanayeen Masaajidka Al hidaaya ee ku yaala Deegaanka Waxara Cadde Degmada Heli waa ee Muqdisho xildhibaano Baydhabo ku shiriyay kana doodayay kororsiga Mushaarkooda iska daa in ay ka xanuunsadaan Xasuuqa Culuamda iyo ardayda Diinta Islaamka baraneysay dharaartaas lagu hayee.
Sidaas oo ay tahay asiga iyo kooxda kale ee ay wada socdaan waxa ay sheegayaan in ay Abaal gud wanaagsan ka doonayaan dadka Soomaaliyeed.
Kooxdaan waxaa Madax u ah Haweeney la yirhaado Caasho Axmed Cabdalle waxaanay tiradooda ku sheegeen shan boqol oo ruux waxaanay dhamaantood ku guul dareysteen in Dowladda Iminka jirto ay xubno ka noqdaan.
Gaaladii Markii hore ogolaatay in ay Xildhibaano noqdaan ayaa Maanta diiday oo Magacaabatay Xubno kale.
Waxaa xubnahaan ku jira kuwo Wasiiro ahaa jiray oo Dagaalka ansixntiisa ka sokow si toos ah uga qeyb qaada jiray iyo xildhibaano iyaga qudhoodu dagaalada wax ka hogaami jiray.
Inkastoo Dowladda Xasan Sheekh Maxamuud hogaamiyo ee Federaalka ah ay Markii hore xubnahaanu ka dalbadeen in ay daryeesho hadana iminka waxa ay u muuqdaan in ay shacabkii ay Shalay Xasuuqeen intii ka hartay ka sugayaan dhaqaale ay noloshooda ku maareeyaan kuna galaan ol ole Siyaasadeed.
XOGTA WAR WAA RADIO ALFURQAAN.COM
Banaadir Post.
News From Somalia 