Dowladdaha Kenya iyo Itoobiya oo isku qarinaya magaca IGAD ayaa shir maamul loogu dhisayo Jubbooyinka iyo Gedo ka furay xarunta Jaamacadda Magaalada Kismaayo ee xarun gobaleedka Jubbada Hoose.

Shirka ayaa lahaa wajiyo badan waxaana ka qeybgalay Rag iyo Haween calooshood u shaqeystayaal ah oo laga kala keenay Magaalooyinka Adis Ababa iyo Nairobi ee caasimadaha Itoobiya iyo Kenya.

Qilaaf kii ugu xooganaa,iyo kala shaki salka ku haya awood qeybsi ayaa shantii cisho la soo dhaafay hareeyay ergo beenaadka ka qeybgalaya shirka ka socda Kismaayo.

Si kasta oo Soomaalida ula shaqeyso cadow dalkeena ku soo duulay haddana waxay yihiin dad lafaha uu ka galay qabiil iyo Nin jecleysi.

Dowladaha Kenya iyo Itoobiya ayaa u arkayay in dadka ay isagu keeneen Kismaayo ay ogolaan doonaan wax kasta oo la doonayo in laga meel mariyo laakin taasi bil caksigeedii ay dhacday oo waxaa gadood sameeyay odayaal dhuuntu ufurantahay oo jeeb weenayaal ah iyo kuwa u arkay in la liiday qabiilada ay ka soo jeedaan.

Maalmo ka hor Kismaayo waxaa soo gaaray wafuud ka socotay Kenya iyo Itoobiya oo soo xulay ergada ka qeybgalaysa doorashada Madaxweynaha Jubba Land oo hal qabiil ay ubadiyeen.

Odayaal ka soo jeeda in kabada 10 qabiil oo shirka ka qeybgalay ayaa shalay ilaa xalay ka baxay shirka iyagoo sheegay in IGAD ay wadato odayaasha ku heybta ah Axmed Madoobe.

Suldaan Cabdirashiid Axmed oo shirka ka qeybgalaya ayaa sabaax usheegay in 23 beel odayaashoodii shirka ay ka baxeen ka dib markii awood qeybsiga beelaha loo saami badiyay beesha uu ka soo jeedo Axmed madoobe kuwaasi oo helay in kabadan Boqol Ergo halka beelaha kale heleen wax kayar 20 ergo.

Xaalada ayaa kacsan waxaana lagu kala yaacay
shirar xalay iyo shalay dhacay oo Igad la yeesheen Odayaasha shirka ka baxay kuwaasi oo xitaa badankooda la isku dayay in lacag jeebka loo galiyo.

Dowladda Xasan Sheekh ayaa dhawaan ka qeybgashay shir ka dhacay Adis Ababa iyagoo sheegay in guuli weyn ay kala soo laabteen shirka islamarkaana talada shirka Kismaayo lagu soo wareejin doono Dowladda oo IGAD faraha kala baxayso.

Dad badan ayaa iswey diin kara aaway guushii? Meeyay shirkii lagu soo wareejinayay Dowladda? Maxay wali IGAD faraha ula jirtaa shirka Kismaayo?