بسم الله, الحمد لله الذي ارسل رسوله بالهدي ودين الحق ليظهره علي الدين كله ولو كره المشركون. اما بعد: ايها المسلون السلام عليكم ورحمة الله وبركاته

Aqristayaal maqaalkan ma ahan mid aan uga sheekeynayo dhammaan dhibaatooyinka federalku leeyahay iyo saameyntiisa, ha yeeshee oo kaliya waxaan ku eegi doonaa, hadal aan maalin walba ka maqalno afafka madaxda dowladda Federalka iyo gaalada ku shaqeysata kaasoo ah “Shacabka gobol kasta iyaga ayaa xaq u leh in ay doortaan hogaankooda”.

Runtii aad baan u yaabay marki igu horeysay ee aan madaxda dowladda iyo gaalada kale ka maqlay hadalkan, wuxuuna i dareensiiyay caqli darrida kufaarta iyo qafladda aan ku jirno.

Waxaa jirta qaacido oraneysa “dowladi waxa ay dooneyso in lagu dhaqmo waa in ay iyadu u bilowdaa shacabka”. Haddaba marka reer galbeed iyo Xassan Sheekh Maxamuud leeyihiin shacabka iyaga ayaa xaq u leh doorashada maamulkooda, horta, yaa iyaga doortay?.

Yaa Mareykan iyo Yurub u doortay in ay baddeena xaalufiyaan, sun ku daadiyaan, barigana calooshood u shaqeystayaal usoo diraan?.

Qaramada midoobay iyo Mareykan ma annaga ayaa u dirsanay in ay dowlad noo sameeyaan, ma innaga ayey na matalaan?.

Xassan Qoorgaab marka uu leeyahay shacabka gobolada iyaga ayaa dooranaya maamulkooda, yaa doortay isaga, sideese ku helay xilka madaxweyne ee uu sheeganayo?.

Halkaas waxaa inooga cad in gaalada iyo gaala raacyadu inagu ciyaarayaan, marka ay arkeen in wax walba nalaku dayi karo.

Anigu waxaan oran lahaa Xassan Gurguurte iyo micigiisaba, haddii ay dhab idinka tahay in ummadu ay u madax bannaanaato maamulkeeda is casila oo gaalada ka saara wadanka si shacabku aayihiisa uga tashado una doorto cidda uu doonayo.

Haddii ay dhab idinka tahay in ummadu horumarto, ka hor wareega oo u madax bannaaneeya dinteeda iyo caqiidadeeda aad dagaalka ku heysaan.

Ummada Soomaaliyeed waxaan leeyahay, waxaa qootiina saran mididii la idinku gawrici lahaa, taasoo ah federal.

Annagu waxaan nahay ummad muslim ah, ehel iyo qaraabo isu wada ah oo xoolohoodu isla daaqaan, sidaa darteed waxa hadda la inoo soo wado, waa in qabiil walba loo sameeyo xuduud, taasoo keeneysa dagaal sokooye iyo tafaraaruq ku yimaada ummada muslimka ah si ay u fufudaato in nalooka soo taliyo magaalada Adis-ababa.

Xassan Sheekh Maxamuud ayaa aad ugu cel celiyay arinta xuduud u sameynta qabaa’ilka xilli uu khudbad u jeedinayay baarlamaaka federalka ah asbuucii tagay.

Ugu dambeyntii walaalayaal duulaanka dulmiga ah ee nalagu soo qaaday waxaan uga hor tagi karnaa in qof walba oo inaga mid ahi is xilqaamo kaalintiisana kasoo boxo.

Taariikh ayaa qormeysa wadankana wuxuu u baahanyahay difaac, haddii kale waxaa cadaabka Alle inoogu darsami doona in caruurteena aan gumeysi uga tagno, iyaguna nasoo habaaraan.

Nabigeena CSW wuxuu inoo sheegay inaaney ummadu ka baxayn dulliga illaa ay jihaado, jihaadku waa wadada dambi dhaafka, waa wadada jannada, waa wadada ciziga, waxaan ku heleynaa nasri ama shahaado, haddaan ikhlaas la nimaadno.

Qore: -Maslax Ilkacase.

Banaadir Post.