Cabdi Faarax Shirdoon (Saacid) ayaa maanta booqasho kedis ah ku tagay magaalada Marka ee Xarunta gobolka Shabeellaha hoose.

Diyuurad ay leedahay Q.Midoobe ayaa Saacid geysay Marka wuxuuna isku aamini waayay  taangiyada AMISOM oo dhowr mar wasiirro katirsan DF-ka u gelbiyay magaalada Marka kadibna weeraro halis geliyay kala kulmay ciidamada XSHM.

Safarkan ayaa waxa uu noqonayaa kii labaad ee Raysal Wasaaraha Dowladda Fedraalka Soomaaliya uu ku tago gobolka Shabeellaha Hoose tan iyo markii la doortay, iyadoona Safarka uu ku tagay magaalada Marka uu kusoo beegmayo xilli uu faraha kasii baxayo ammaanka Moqdisho iyo magaalooyinka ay tageen oo dhan.

Shabakadda BBCNews ayaa warbixin ay diyaarisay ku caddesay sida gobolada dalka Soomaaliya loo kala maamulo.

Sawir khariiradeed BBCNews daabacday ayaa lagusoo bandhigayay sida loo kala maamulo deegaanada Soomaalida iyadoona ay ka muuqanayso in aysan jirin meel ay DF-ka ay si xor ah u maamusho arrinkaasi oo muujinaya in waxa Soomaaliya isku haya ay yihiin shisheeyaha iyo muslimiinta Soomaaliya ee gumaysi diidka ah.