Way nasiib daran tahay oo waxaa ku yaalla 20 Idaacadood wax ka badan waxaa laga afuufaa suntan dadka qalbiga madawbaysa (been) halka shilinku jiro ayay la jiraan , hadba kan wax u ogol ayaa la dhisaa maalinka uu musalafo ayaa lagu miisaa mudacyo maar leh .

Dadka ku nool way nasiib daran yihiin oo habayn iyo maalin dhagahooda waxay maqlaan waaa been iyo balaayo laga afuufo biraha beenta iyo beeso in lagu helo , kuna hana qaaday kala dilka dadka .

Waxaa xukuma dad nasiib daran oo waxay isu haystaan inay dalka wax ka yihiin laakiin sida muuqata sarjante africada cawaanta ah ayaa u meeriya inta ay samayn doonaan , shacabka ku noolna waa yartahay sida looga helo qof lagu aamino xafiis maran , waa dad ku dhashay Musuq , Dhac dadban iyo Boob cad oo soo taxnaa tan iyo lixdankii .

Waxaa ka shaqaysta dad naxariis daran una badan wax matarayaal dalalkoodii laga nacay xamarse ka ah mudanayaal macalimiin khubaro iyo sareeyayaal loo istaago , waa qaar ku jira liisaska madaw ee looga hor istaago qofka inuu shaqo qabto kadib danbiyo lagu helay .

Waxaa ku yaacay marinada magaalooyinka kuwii dhoobnaa ee wax ku noqon waayay karti iyo aqoon oo mukhaayadaha shaaha iyo shiishada lagu fuudo fadhi ku dagaalka caadaystay .

Xaqiiqadu waa culustahay runtuna waa culustahay , laakiin waa culays ay tahay qof kasta inuu xanbaarto.

Aadam Zaki
Aadan17@yahoo.com