Muqdisho ma Hiilweynadii ugaandhaa?

Waa nasiib daro usoo hoyatey jamhuuriyada somaliya 52 sano kadib midowgii ama is raacii gobolada koonfur iyo waqooyi ee xoriyadooda ka qaatay gumaystayaashii cadaa ee ingiriiska iyo talyaaniga in markale caasimada dalka ee muqdiho ku dhacdo gacanta kooxo africanka madow ah, waxaa ay nasiib darada labaad tahay in caasimada somaliya ee muqdisho oo mar ahaan jirtey caasimada ugu nabdoon ugu bilicda wanaagsan caasimadaha ay ku dhaqan yihiin dadka madow inay maanta ahaato xero ay ciidamada africanka gaar ahaan kuwa ugandha ay uga baxaan dhibowga ama kuruudka, muqdisho waxaa ay muuqaal ahaan xiligan u muuqaata xabaalo ama dhul qarni hore laga guurey.

Sida ay wararku qeexayaan waxaa bilowga todobaadka soo aadan muqdisho kusoo fool leh in kabadan 3200 oo jabhadahii ugandha ku kacsanaa ah kuwaas oo duurjoog la ciidameeyey ah, dafcadan hada soo fool leh waxaa at ku xaraysnaayeen mudo 4 bilood ah xerada Singo kuna taalo deegaanka Nakaseke, taasi bedlkeedana dalka ugandha dib ugu noqonaya cutubka 8aad oo ah kuwo dhibowga ama kuruudka uga baxay caasimada dalka ee muqdisho kuwaas oo gabood falo iyo tacadiyo kadhan ah aadanaha ka geystey somaliya gaar ahaana caasimada dalka, kuwaasi oo aan wax raadraaca kala kulmi doonin wixii xad guduba oo halkaasi ka geysteen.

Cutubyadan hada soo fool leh oo ah qaar kamida jabhadihii maamulka muzaveni ku kacsanaa,ma laha sida caadiga ah wax tabaro ciidan ama khibrado dhaafsiisan 4 bilood oo ay kunasanayeen xerada singo maadaama ay ahaayeen mudo dheer kuwo duurka habsan ku ahaa, 4 bilood ma gaarsiisna inta duurjoogta lagu fahamsiiyo dhaqanka aadmiga maadama loosoo wado dad iyo dal aanay dhaqan aqoon, inta badan ciidamada afrikaanka ah ee jooga somaliya ayaa waxaa lagu tilmaamaa kuwo ka maran anshaxa isla markaasna aan tix gelin dhaqanka iyo caadooyinka gaar looleeyahay,marmarka qaar waxa hubanti ah inay gawaaridooda oo ku socda xawli sareeyaa ay si ulakaca u dulmaraan dad somaliya oo salaad ku jira taasi oo aan wax xisaabihi kadaba tegin.

Gunaanadkii hadii aanay somalidu wax ku qaadan wacyiga iyo xiliga dheeraaday ee soomaray waxay ku waari doontaa kuwo wadamo kale oo hada maqani ay ka dhigtaan sida xerooyinkii luglow, mandheera iyo laanta buuro oo kale

wardoon@journalist.com